​

பதினோறாம் நூற்றாண்டு.


*இஸ்லாமிய சன்மார்க்கம் எழுச்சி கண்ட காலம்.
*கீழைத்தேசங்களில் வணிகம் செழிப்புற்றிருந்த காலம்.
*சீனத்தில் சொங் சாம்ராஜ்யம் எழுச்சியுற்றிருந்த காலம்.
*பரதகண்டத்தில் உத்தரபதத்திலே கஜினி கால் வைத்த காலம்.

தக்கணத்துச் சோழசாம்ராஜ்யம் வடக்கே கங்கை வரையும், மேற்கே சேர பாண்டிய தேசங்களும், தெற்கே ஈழமும், பண்ணாயிரந்தீவு, சாந்திமத்தீவும் இன்னும் பலவும் கொண்டு பரதவர்ஷத்தில் குறிப்பிடத்தக்க நிலப்பகுதியை தன் ஆதிக்கத்தில் சேர்க்கத் துணிந்த காலம். சோழர்களின் பொற்காலம்.
இராஜேந்திரச்சோழன். இவனது காலம் தமிழகத்தின் பொற்காலம். 

இந்த இராஜேந்திரச் சோழன் பொ.உ.1025 ல் கடாரம் நோக்கிப் படையெடுத்ததாக அவனது விரிவான மெய்கீர்த்தியும், திருவாலங்காட்டுப் பட்டயமும் கூறுகின்றன. ஆனால் படையெடுப்புக்கான காரணத்தை அவை கூறவில்லை.

கீழ்த்திக்குத் தேசங்களிலேப் பெரும்சக்தி படைத்த நிலப்படையும் நீர்ப்படையும் கொண்டதென பெயர்பெற்ற- ஸ்ரீவிஜய சாம்ராஜ்யமே- கடல்கடந்து வந்த சோழப்படைக்கு அடிபணிந்தது சாத்தியம் தானா? எனில் அது எப்படி? 

இவையெல்லாம் சரித்திரம் பதில் சொல்லாமல் விட்டுச்சென்ற சில புதிர்கள்.
புதிருக்கான விடையைக் கற்பனை கலந்து தேட முயல்வதே இக்கதை